कृष्णको लीला, शान्तिको आशा ।

आज काठमाडौं बसाइको मेरो अन्तिम दिन्, शान्ति बार्ताको सम्भवत अघिल्लो दिन्,कुनै ब्रेकिङ् समाचार त छैन ।

तर रत्नपार्क बाट धरहरातिर खुलामँच छेउको बाटोमा हिडदै आउदा उल्टो दिशाबाट आएको ९६९७ नँबरको पजेरोमा अहिलेका सर्वाधिक चर्चित अनुहारहरु देखापरे ।

दिउसोको करिब साढे तिन बजे देखिएका तिनजना पात्रहरु भने प्रचण्ड, बाबुराम भट्टराई र कृष्ण प्रसाद् सिटौला थिए । यसलाई यो ब्लगमा हाल्नु कुनै जरुरत पनि थिएन् ।

तर अचम्म लाग्ने कुरा के थियो भने पजेरोको पछाडिको सिटको लहरमा गृहमन्त्री सिटौला भने दुई कमरेडको बिचमा बसेर गफिरहेका थिए ।

अनि प्रचण्ड र बाबुराम भने एक अर्कालाई हेरेर सिटौलाको शान्तिगामी एजेन्डा सुनिरहेका होलान भन्ने मैले अनुमान गरेर हिडदै थिए ।

बाटामा कसैले मलाई बोलायो ।

फर्केर हेर्द एक् पुर्बपरिचित पत्रकार मोहन बास्तोला फेला परे । उनि अनेरास्वबियुका कुनै ठुला नेता ठाकुर गैरेको अन्तर्बार्ता लिन गैरहेको बताइरहेका थिए ।

मेरो ध्यान भने , अहिलेको यो भेट सायद् मेरो ब्लगको लागि ब्रेकिङ् न्युज हुन्छ कि भन्ने थियो ।

किनभने माओबादीका बरिष्ट नेताहरुबिच बसेर अब चाहि कृष्णजीले सवारी मन्त्रीमात्र होइन, बार्ताको सफलताको लागी पक्कै पनि कृष्णलीला नै देखाउने आशा छ् ।

र यो आशा सँगै केहि समयको लागि मेरो ब्लग् अपडेट गर्न असमर्थ छु । सुचनाको सँसारबाट टाढा जादा हुने दिक्दारी अब मेरो लागि सुरु होला जस्तो छ ।